عد الزمن عد بغلاك اليالي **** كم جرح مني جاك وبحقك اخطيت
واذكرني بخير ان طرى لي مجالي **** والا بنفسك يوم بالفكر مريت
مانت اول همومي ولا اظن تالي **** دنياي ياما لوعتني وعانيت
ومانت اول انسان على القلب ياغالي **** جابك زمان وراح بك مثل ما جيت
علمني الوقت وزمان مضالي **** اعز نفسي لومن الهم قاسيت
بيني وبينك ما بقى غير افات *** ياللي لغير الجرح ما يوم حبيــــــــت
سامحت مرات وتغاضيت مرات **** للعذر وش من المعازير خليــــــــــــت
ما كان حلمي ضعف لو طول اسكات **** نفسي على كثر الخطا كل مااخطيـت
كررت غلطاتك وكثرت زلات **** نفسك وانا غريتك بكثر ما أغضبــــت
ما فاد بك صبري وكثر المدارات **** ضاقت سعة حلمي بالحيل مليـــــــــت
اليوم انا مقفي ولا به مروات **** ولعزتي معذور لوفيك ضحيــــــــــــــت
حاولت اعلمك الوفا طول الاوقات **** وقبلك تعلمت الجفا منك وأقفيـــــــــــت
محبتك غلطة عمر في حياتي **** ابعتذر عنها لعمري والايام
اشقيت نفسي فيك من حسن ذاتي **** ازرع لك رياض الغلا وارسم احلام
حتى بنفسك ما تسوى سواتي ***** كلي وفاء وانت الوفاء عندك اوهام
خذ حبك المجروح مع ذكرياتي ***** ما بي بقايا منك يا غالي العام
لاني غناة لك ولانتب غناتي ****** عشنا الغلا بس الغلا عاد ما دام
اقولها ما عض سني شفاتي ***** مابي حسايف يكفي عيوني تنام
أخوكم جوليان
